يوميات خطيب بار جدااا مع خطيبته

الادارة

خطيب بارد اوى

هو وهى مشيين على الكورنيش .. الجو حار .. الشمس محرقة .

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب لي
حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي
تقعدنا ولا إيه؟
هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس .

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت سينما مع بنت حلوة كده فالفلوس خلصت .

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد .

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

ههههههههههههههههههههههه

دا مش بارد بس دا معندوش دم اصلا

و لا انتوا ايه رايكم .............؟

عضو مشارك

hahahahahhahahh 7lo walla el topic dah ya moon light
bgd to7fa

الادارة

جاااااااااامد الواد دا ههههههههههههه

تسلمى يا موووووووووون

الادارة

تسلموا علي مروركم العطر

عضو مميز

هههههههههههه والله توبيك جامد شكرا ليكي يا موووون
بس هو عنده حق برده ما هي بتبدأ بالحاجه الساقعه وبعدين زي ما انتي قولتي بقي ........ يعني ياريتها تيجي علي الحاجه الساقعه وبس هههههههههههههه .
***Go ahead***

عضو مميز

ههههههههههههههههههههههههههههههه
الواد ده يشل فعلا كانت هى اللى ترميه البحر مش ترمى نفسها على العموم اللى ممكن يرموه كتير علشان مش فيه حد هيستحمله اصلالالالالالالالالالالالالالالالالا
بجد توبيك جاااااااامد جدااااااااااا
تسلمى يا قمرى

الادارة

تسلمولي علي المرور الجميل