ليلة فراق شهدت عليها دموع القمر

الادارة

ليلة فراق شهدت عليها دموع القمر

ليله فراق شهدت عليها دموع القمر

ليله فراق الليل منمش فيها وكان السهر

ليله ما كنت جنبه وفجاه راح

الليله الي وعدني فيها يكون افراح

ضحك عليا عشان يصبرني

وكانت الليله دي اكبر ليله جراح

مش قادره اصدق ده الي كان ليا

فجاه يروح من بين اديا

بس ده قدر مكتوب عليا

فجاه وانا ماسكه اديه

نزلت دمعه من عنيه

كانت دمعه الفراق

وقبل ما يروح بثواني

بص عليا وباسمي نداني

وعلى حبنا وعلى نفسي وصاني

نزلت دمعه من عينيا على دمعه خده

والدمعتين نزلو لحد ما وصلو قلبه

قالي سامحيني علشان مقدرتش اسعدك

بس في الجنه صدقيني هسعدك وبوعدك

و لقيت السما بتنقط ميه

عرفت ان القمر بيبكي من حزنه واختفى ضيه

واوراق الشجر نزلت تغطيه

وانا شايفه كل ده وقلبي هيموت عليه

وفجاه

فارقت اديا اديه

وغمضت عنيه

وانا عارفه اني خلاص مش هشوفها تاني

ورجعت وحدي في الطريق تايهه وحيرانه

مش عارفه اروح لمين وبعده هعمل ايه وفضلت سهرانه

سهرت مع دموع القمر بتواسي حزني

واوراق الشجر بتدفي قلبي

واه يا زمن مبتخلناش نفرح بحبنا ليه

اه يا زمن منك ليه القسوة دي عملنا فيك ايه

ده انا من بعد حبيبي ضايعه خلاص

انا من بعده مش هيفرق معايا الاحساس

انا من بعده مش عايزه اشوف الناس

هو ده الحب الي طلعت بيه من الدنيا

و الزمان استكتره عليا

وخده مني في ثانيه

عضو نشيط

مش عارفه اشكرك علي الكلمات دي ولا ازعل للفراق الي حصل
بس بجد كلام جاااااااااااااااااااااااامد جدا
Crying or Very sad

الادارة

انا اللي اقولك مرسي علي مرورك الجميل نورتيني يا قمر

عضو مميز

لالالالالالالالالالالا الكلام مؤثر اووووووووووووووووووى
بجد التوبيك رائع اوى تسلم ايدك

» حصريا:حماقى (انا كل ليلة) كاملة CD Q