ازاى تبقى خنيق طحن لحد ما تنضرب علقة سخنة؟؟

عضو مميز

ازاى تبقى خنيق طحن لحد ما تنضرب علقة سخنة

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروحراششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك
"اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل
للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد
بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد
تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم
غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من
غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه
الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على
بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية
يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى
رقم عشوائى زى 423

ملحوظة صغيرة : لو اتضربت أنا مليش دعوة

الادارة

ههههههههههه ميرسى عالتوبيك العسل دا يا اوشى

واحلى حاجة انك بتطلعى نفسك من الموضوع وبتقولى مليش دعوة لو اتضربت هههههههه

عضو مميز

ههههههههههههه ميرسي ليكي علي التوبيك الهاااااايل ده يا اوشي

الادارة

طبعا نصيحه مني محدش يسمع كلام البت دي ابدااااااااااااااا

مرسي يا قمر علي التوبيك العسل ده

عضو مميز

ميرسى على ردودكم الحميله اوى

عضو مشارك

لا والله الواحد كل يوم يا اوشى بيتعلم من التوبيكات بتاعت حاجات كتيرة حتى فى الرخامة عارفة
ده انتى عبقرية

» ازاى تغير لغة المنتدى؟؟ادخل هنا.